Tumelo

Tumelo ya Afrika (Donovan - Christianity Rediscovered: An Epistle From the Masai 1978)

Re dumela go Modimo o tee yo a Phagamego, yo ka lerato a hlotšego lefase le le botse le se sengwe le se sengwe se sebotse go lona. O hlodile motho gomme a nyaka gore motho a dule a thabile lefaseng. Modimo o rata lefase le setšhaba se sengwe le se sengwe le moloko o mongwe le o mongwe mo lefaseng. Re tsebile Modimo yo wa Godimo leswiswing, le gona bjale re mo tseba seetšeng. Modimo o tshepišitše ka pukung ya lentšu la gagwe, Bibele, gore o tla phološa lefase le ditšhaba ka moka le meloko ka moka. 

Re dumela gore Modimo, o phethile tshepišo ya gagwe ka go roma morwa wa gagwe, Jesu Kriste, monna wa nama, Mojuda ka moloko, o belegwe e le modiidi mo motseng wo monyenyane, yo a tlogilego legaeng la gagwe gomme a dula a le leetong a dira botse, a fodiša batho ka maatla a Modimo, a ruta ka Modimo le motho, a bontšha gore tlhalošo ya bodumedi ke lerato. O ile a ganwa ke batho ba gabo,  a tlaišwa le go kokotela diatla le maoto sefapanong, gomme a hwa. A robala lebitleng, eupša diphiri tša se ke tša mo kgwatha, gomme ka letšatši la boraro, a tsoga lebitleng. O ile a rotogela magodimong. Ke yena Morena. 

Re dumela gore dibe tša rena ka moka di lebalelwa ka yena. Bohle bao ba nago le tumelo go yena ba swanetše go itshola dibe tša bona, ba kolobetšwe ka Moya o Mokgethwa wa Modimo, bo phele melao ya lerato le go abelana bogobe mmogo ka lerato, go begela ba bangwe ditaba tše dibotse go fihlela Jesu a boa gape. Re a mo letetše. O a phela. O a phela. Se re a se dumela. Amene.



Baapostola ( Katolika:  Missasle wa Disontage 1992 - letlakala 432)

 Ke a dumela go Modimo, Tate, yo maatla ka moka, mohlodi wa legodimo le lefase. Le go Jesu Kriste, Morwa wa gagwe, a nnoši, Morena wa rena. E a emotšwego ka Moya wo Mokgethwa, a belegwa ke Maria, Kgarebe. A tshwenywa ka fase ga Pontsio Pilato, a bapolwa sefapanong, a hwa, a bolokwa lebitleng. A fologela go ba letela phološo, a tsoga bahung ka letšatši la boraro, a rotogela legodimong. O dutše ka letsogong le letona la Modimo, Tate, yo maatla ka moka. Go tlogela fao o tlo tla go ahlola ba ba phelang le ba ba hwileng. Ke a dumela go Moyamokgethwa, Kereke e kgethwa ye Katholike, kopano ya ba bakgethwa, tshwarelo ya dibe, tsogo ya bahu, le bophelo bjo bo sa felego. Amene.


Nasea (Anglican: Puku ya Merapelo Ya Tšhtšhe 1989 letlakala 108. ISBN 0 00 599182x))

Re dumela go Modimo o tee Tate yo maatla ka moka, Mohlodi wa legodimo le lefase, wa tšohle tše di bonwago le tše de sa bonwego,

Re dumela go Morena o tee Jesu Kriste, Morwa Modimo motswalwanoši, Yo a tswetšwego ke Tate pele ga mehla ka moka, Modimo yo a tšwago go Modimo, Seetša se se tšwago Seetšeng, Modimo wa makgonthe yo a tšwago go Modimo wa mmakgonthe, Yo a tswetšego a sa bopšago, Yo boyena bja gagwe bo lego tee le Tate,Yo dilo ka moka di dirilwego ka yena; Yo a ilego a theoga magodimong, ka baka la rena batho, le ka baka la phološo ya rena,A namafatšwa ka maatla a Moya o Mokgethwa go Maria Kgarebe, gomme a ba motho, A bapolelwa rena sefapanong mehleng ya Pontius Pilatus. A hlokofatšwa, A bolokwa, A tsoga ka letšatši la boraro, ka mo mangwalo a bolelago ka gona, a rotogela magodimong, O dutše ka letsogong le letona la Tate; Gomme o tlo boa ka letago go ahlola ba ba phelago le ba ba hwilego: Yo mmušo wa gagwe o ka se bego le bofelo.

Re dumela le go Moya o Mokgethwa, Morena, Mophediši, yo a tšwago go Tate le Morwa; A khunamelwago, a tumišwago gammogo le Tate, le Morwa, Yo a boletšego ka baporofeta.

Re dumela Kereke e tee, ye kgethwa, ye Bohle, ya Baapostola. Re dumela le Kolobetšo e tee ya go swarela dibe, Gomme ke letetše tsogo ya bahu,Le bophelo bja nako e tlago.

Comments

Post a Comment

Popular posts from this blog

Mareta a re go yena: "Ee, Morena. Ke tlile go dumela

2022-07-29 (E no kgwatha godimo ga sengwalwa sa mmala wo motala wa leratadima go hwetša mantšu ka bibeleng) Tlhalošo Martha  o Mokgethwa  - Segopotšo "Mareta a re go yena: "Ee, Morena. Ke tlile go dumela" " . Kriste o ile go tsoša Latsaro, gomme botumo bja mohlolo woo e bile sebaki sa ka pela sa go swarwa ga gagwe le go bapolwa (Jn 11:46) (...) O ile a kwa gore Latsaro o tsoga bophelong ka sehlabelo sa gagwe; gore O be a theogela lebitleng leo Latsaro a le tlogetšego. O ile a kwa gore Latsaro o be a swanetše go phela gomme Yena o be a swanetše go hwa; ponagalo ya dilo e be e swanetše go bušetšwa morago; monyanya o be o swanetše go bolokwa ka ntlong ya Mareta (Jn 12:1 f.), eupša Paseka ya mafelelo ya manyami e ile ya šala go Yena. Gomme Jesu o be a tseba gore go bušetša morago mo e be e le ga boithaopo ka botlalo go Yena. O be a theogile sehubeng sa Tatagwe go ba Poelano ya madi bakeng sa dibe ka moka, gomme ka go realo go tsoša badumedi ka moka lebitleng, bjalo ka g...
Bala tše dingwe »

Mang le mang yo a hloilego bophelo bja gagwe lefaseng le o tla bo bolokela bophelo bjo bo sa felego

2022-07-30 Mokibelo wa beke ya Lesomešupa ka Nako ya Tlwaelo (E no kgwatha godimo ga sengwalwa sa mmala wo motala wa leratadima go hwetša mantšu ka bibeleng) Tlhalošo Mang le mang yo a ratago bophelo bja gagwe (Joh 12:25) a ka se be yo a ratago Modimo, eupša mang le mang yo a sa ikgomarelego ka lebaka la dimpho tše di tletšego tša lerato la Modimo ke yena yo a ratago Modimo. Motho wa mohuta woo ga a ke a nyaka letago la gagwe eupša ke la Modimo, gobane mang le mang yo a ratago bophelo bja gagwe o nyaka letago la gagwe. Mang le mang yo a itlamago le Modimo o rata letago la Mmopi wa gagwe. Gomme ka nnete, ke seka sa meoya yeo e nago le kwelobohloko go lerato la Modimo gore e nyake letago la Modimo ka go se kgaotše go phethagatša ditaelo le go thabela boikokobetšo bja yona ka noši. Gobane letago ke la Modimo ka baka la bogolo bja gagwe, gomme boikokobetšo ke bja motho ka gobane bo dira gore e be mogwera wa Modimo. Ge e le gore ye ke tsela yeo re itshwarago ka yona gona re tla thaba ka mo...
Bala tše dingwe »

Go aga diruiwa tše dingwe

2022-07-31 Sontaga sa Lesomeseswai ka Nako ya Tlwaelo (E no kgwatha godimo ga sengwalwa sa mmala wo motala wa leratadima go hwetša mantšu ka bibeleng) Tlhalošo “Wena lešilo, bošegong bjo bo tla nyaka bophelo bja gago go wena; le dilo tšeo o di lokišitšego, e tla ba tša mang?” Boitshwaro bja monna yo bo swanetše go kwerwa kudu go feta kotlo ya go ya go ile e le e šoro. Ka kgonthe, ke maano a mohuta mang ao a kgokologago ka gare ga monagano wa monna yo yo a tlago go tšewa lefaseng le kapejana gakaakaa? “Ke tla phušola diruiwa tša ka gomme ka aga tše dikgolo.” Bjale, nka re go yena ka lethabo: O dirile gabotse! Gobane mašaka a go se loke a swanelwa ke go gogwa fela. Senya go tloga godimo go ya fase seo o se agilego ka go se botege. Anke ditokomane tšeo tša korong tša gago, tšeo di sa kago tša tlišetša motho khomotšo, di phatloge. Fediša meago ka moka yeo e šireletšago megabaru ya gago, gogela fase marulelo a yona, menola maboto a yona, pepentšha mabele a go bopa letšatšing, ntšha lehumo l...
Bala tše dingwe »