Ebangedi ya Letšatši le Letšatši

2022-08-19

Labohlano la beke ya Masomepedi ka Nako ya Tlwaelo

(E no kgwatha godimo ga sengwalwa sa mmala wo motala wa leratadima go hwetša mantšu ka bibeleng)

Tlhalošo

Go na le papadi ye e nyakegago magareng ga lerato la Modimo le lerato la moagišani (...). Ge ke se na kgokagano le ge e le efe le Modimo bophelong bja ka, gona nka se kgone go bona go yo mongwe selo go feta yo mongwe, gomme ga ke kgone go bona go yena seswantšho sa Modimo. Eupša ge e ba bophelong bja-ka ke palelwa ke go ela hloko ba bangwe ka mo go feletšego, feela ka baka la kganyogo ya go ba “yo a ineetšego” le go phetha “mediro ya-ka ya bodumedi”, gona tswalano ya-ka le Modimo le yona e tla oma. E ba feela “ya maleba”, eupša e se na lerato. Ke feela go ikemišetša ga-ka go kopana le moagišani wa-ka le go mmontšha lerato mo go dirago gore le nna ke be le kwelobohloko go Modimo. Ke feela ge ke hlankela moagišani wa ka moo mahlo a ka a bulegago go bona seo Modimo a ntirelago sona le kamoo a nthatago ka gona. Bakgethwa—ela hloko mohlala wa Teresa yo a Hlogonolofetšego wa Calcutta—ba be ba dula ba mpshafatša bokgoni bja bona bja go rata moagišani go tšwa go go kopana ga bona le Morena wa Selalelo, gomme ka lehlakoreng le lengwe go kopana mo go ile gwa hwetša go ba ga gona ga kgonthe le go tsenelela tirelong ya bona go ba bangwe. Ka go rialo go rata Modimo le go rata moagišani ga di aroganywe, di bopa taelo e tee. Eupša bobedi bja bona ba phela ka lerato la Modimo yo a re ratilego pele. Ka gona, ga e sa le potšišo ya “taelo” yeo e gapeletšwago go tšwa ka ntle le go bitša seo se sa kgonegego, eupša go e na le moo e le phihlelo yeo e filwego ka bolokologi ya lerato go tšwa ka gare, lerato leo ka tlhago ya lona ka bolona le swanetšego go abelanwa le ba bangwe ka morago. Lerato le gola ka lerato. Lerato ke la “bomodimo” ka gobane le tšwa go Modimo gomme le re kopanya le Modimo; ka tshepedišo ye ya go kopanya e re dira “rena” yeo e fetago dikarogano tša rena gomme e re dira batee, go fihlela mafelelong Modimo e le “bohle go bohle” (1 Bakor 15:28).

Benedict wa bo-16

Mopapa go tloga ka 2005 go fihla ka 2013

Encyclical “Modimo ke botho”, § 18 (phetolelo © tokelo ya ngwalollo Ntlo ya Kgatišo ya Vatican

Sepedi / Sesotho sa Leboa

https://www.bible.com/en-GB/bible/256/Matthew:22.34-40.NSO00

English

http://dailygospel.org/

Chisena (Beira - Mozambique)

https://www.bible.com/en-GB/bible/1378/Matthew:22.34-40.sehnt

Sesotho / Southern Sotho

https://www.bible.com/en-GB/bible/274/Matthew:22.34-40.sso89so

Setswana