Ge ba lapa leo ba ka le dumela, madume a lena a tla ba tšwela mohola

2022-07-07

“Ge le tsena ka ntlong, thoma ka go bolela gore: ‘Khutšo e be ntlong ye,’” (Lk 10:5) e le gore Morena ka boyena a tsene gomme a dule moo, go swana le Maria. (...) Tumedišo ye ke sephiri sa tumelo, seo se phadimago lefaseng. Ka yona bonaba bo a thibelwa, ntwa e a emišwa gomme batho ba a amogelana. Phello ya tumedišo yeo e be e utilwe ke seširo go sa šetšwe gore e swantšhetša pele sephiri sa tsogo (...) ge seetša se hlatloga gomme mahube a raka bošego. Go tloga nakong ya ge Kreste a roma barutiwa ba gagwe, batho ba ile ba thoma go nea le go amogela tumedišo ye, e lego mothopo wa phodišo le tšhegofatšo. (...) .

Tumedišo ye ka maatla a yona a utilwego (...) e lekane ka mo go lekanego go rena ka moka. Ke ka baka leo Morena wa rena a e rometšego, gotee le barutiwa ba gagwe, e le moetapele, e le gore e tliše khutšo gomme e rwalwa ke lentšu la baapostola bao a ba romilego, e lokiše tsela pele ga bona. E ile ya bjalwa lefelong le lengwe le le lengwe la bodulo (...); e ile ya tsena go bohle bao ba e kwelego e le gore e aroganye le go aroganya bana bao e bego e ba lemoga e le ba yona. E ile ya dula go bona eupša e be e sola bao e bego e le bašele go yona, ka gobane ba be ba sa e amogele.

Tumedišo ye ya khutšo ga se ya oma; e thomile go baapostola gomme ya tšwelela go bana babo bona, ya utolla matlotlo a Morena ao a sa felego. (...) E le gona go bao ba ilego ba neela ditumedišo ka tsela ye le go bao ba ilego ba amogela tumedišo, tsebišo ye ya khutšo ga se ya fokotšwa e bile ga se ya arogana. E ile ya tsebiša gore Tate o kgauswi e bile o go yo mongwe le yo mongwe; e ile ya utolla gore thomo ya Morwa e tlemilwe go bohle gaešita le ge morero wa yona e le go ba le Tatagwe. E ka se kgaotše go tsebatša gore diswantšho bjale di tlišwa phethong gomme therešo e tla lahla meriti ka moka mafelelong.

Mokgethwa Eferem (c.306-373) .

motiakone kua Syria, Ngaka ya Kereke

Diatessaron 8, 3-4 (bapetša le SC 121, letl.159) .

https://dailygospel.org/AM/gospel

Ebangedi ya lehono ka maleme a mangwe

Anke dipolelo tše di bolelwago mo kerekeng ya rena, di re gopotša bakgotsi ba rena bao ba di bolelago.

May all these languages spoken in our parish bring to mind each of our friends who speaks them.

English

http://dailygospel.org/

Chisena (Beira - Mozambique)

https://www.bible.com/en-GB/bible/1378/Matthew.10:7-15.sehnt

Sepedi / Sesotho sa Leboa