A tšea dinkgwa tše hlano (...) a bolela tšhegofatšo, a roba dinkgwa, a di fa barutiwa

2022-08-31

Mošupologo wa beke ya Lesomeseswai ka Nako ye e Tlwaelegilego

(E no kgwatha godimo ga sengwalwa sa mmala wo motala wa leratadima go hwetša mantšu ka bibeleng)

Tlhalošo

Kereke e belegwe ka sephiri sa paseka. Ka lona lebaka le Selalelo, seo ka tsela ye e tšwelelago e lego sakramente ya sephiri sa paseka, se eme bogareng bja bophelo bja Kereke. Se se šetše se le molaleng go tšwa diswantšhong tša mathomo tša Kereke tšeo di hwetšwago go Ditiro tša Baapostola: “Ba ineetše thutong le kopanelo ya Baapostola, go robeng senkgwa le dithapelong” (2:42). “Go thubja ga senkgwa” go šupa go Selalelo. Mengwaga ye dikete tše pedi ka morago, re tšwela pele go phela gape seswantšho seo sa mathomo sa Kereke. Moketeng o mongwe le o mongwe wa Selalelo, re bušetšwa morago moyeng go Triduum ya paseka: go ditiragalo tša mantšiboa a Labone le Lekgethwa, go Selalelo sa Mafelelo le go seo se ilego sa e latela. (...) Bohloko bja Getsemane e be e le matseno a bohloko bja Sefapano ka Labohlano le Lebotse. Nako e kgethwa, nako ya topollo ya lefase. Nako le nako ge Selalelo se ketekwa lebitleng la Jesu kua Jerusalema, go na le go boela morago mo go nyakilego go bonagala go “iri” ya gagwe, iri ya Sefapano sa gagwe le tagafatšo. Moruti yo mongwe le yo mongwe yo a ketekago Mmisa o Mokgethwa, mmogo le setšhaba sa Bakriste seo se tšeago karolo go wona, o išwa morago ka moya lefelong leo le iri yeo. “Mysterium fidei ! - Sephiri sa Tumelo !” Ge moperisita a bolela goba a opela mantšu a, bohle bao ba lego gona ba a reta: “Re tsebiša lehu la gago, Morena, gomme re tsebatša tsogo ya gago, go fihlela o etla ka letago”. Ka mantšu a goba a go swana le ao Kereke, mola e šupa Kreste sephiring sa phišego ya gagwe, gape e utolla sephiri sa yona ka noši: Ecclesia de Eucharistia – bophelo bja Kereke bo selaleng. Ka mpho ya Moya o Mokgethwa ka Pentekoste Kereke e ile ya belegwa gomme ya bewa godimo ga ditsela tša lefase, le ge go le bjalo motsotso wa mafelelo go go tšea ga yona sebopego ka nnete e be e le go hlongwa ga Selalelo ka Phapošing ya Godimo. Motheo wa gagwe le sediba ke paschale ka moka ya Triduum, eupša se ke bjalo ka ge e be e kgobokeditšwe, e swantšhwa e sa le pele le go “tsepamiša kgopolo” go ya go ile mphong ya Selalelo.Ka mpho ye Jesu Kriste o gafetše Kereke ya gagwe go dira mpho ya go se fele ya sephiri sa paseka .

Saint John-Paul II
Pope from 1978 to 2005
Encyclical "Ecclesia de Eucharistia", 3-5 (e fetoletšwe © Libreria Editrice Vaticana)

Sepedi / Sesotho sa Leboa

https://www.bible.com/en-GB/bible/256/Matthew:14.13-21.NSO00

English

http://dailygospel.org/

Chisena (Beira - Mozambique)

https://www.bible.com/en-GB/bible/1378/Matthew:14.13-21.sehnt

Sesotho / Southern Sotho

https://www.bible.com/en-GB/bible/274/Matthew:14.13-21.sso89so

Setswana

https://www.bible.com/en-GB/bible/278/Matthew:14.13-21.tsw08no

Afrikaans